Kreu i PD Sali Berisha tha se qeveria shqiptare është duke vjedhur përditë shqiptarët.
Berisha tha se shqiptarët janë larguar jashtë vendit, sepse në vend çdo gjë është shkatërruar.
“Nuk protestoni për disa deputetë të Partisë Demokratike, ju votoni sot për çdo shqiptar që ka në vetëdijen e tij të çmuara idealet e lirisë. Ju jeni këtu sot për çdo shqiptar, protestoni për çdo shqiptar që beson se Parlamenti duhet të jetë tempulli i demokracisë dhe jo bunkeri i fjalës së ndaluar. Protestoni për të gjithë ata që e kanë zgjedhur këtë qeveri, por jo për të shkelur e dhunuar të drejtat e shqiptarëve.
Të gjithë shqiptarët, pavarësisht bindjeve politike, shkëpusin nga zemra bijtë e tyre dhe i nisin në emigracion. Ju jeni këtu sot për të gjithë ata shqiptarë që besojnë se Shqipëria është vend i shqiptarëve. Pse ky parlament nga tempull i fjalës së lirë është shndërruar në bunker. Çdo hajdut që futet në shtëpi për të vjedhë, nëse e kap në flagrancë, tenton edhe të të vjedhë po mundi. Këta nuk futen si bandat në shtëpi, por në xhepat tona, në taksat tona, në të gjitha pasuritë publike, tuajat dhe të gjithë shqiptarëve”, tha Berisha.
Discussion about this post