Kreu i PD-së Sali Berisha akuzoi mazhorancën nga foltorja e Parlamentit ditën e sotme (13 maj) gjatë seancës plenare, se ka përgatitur një raport të trilluar dhe me mashtrime për integrimin në BE, që qytetarët nuk e kanë lexuar dhe as opozita nuk e di çfarë përmban, ndaj kërkoi heqjen e tij.
Gjithashtu ai e cilësoi një skandal, teksa theksoi se raporti ka burokraci.
Berisha tha se ky raport përmbante vetëm një performancë që nxihej nga figura e “Ramës dhe Lubisë” (Belinda Ballukut).
“Kemi paraqitur sot në Parlament raportin mbi integrimin në BE, që nga alfa në omega, nga fjala e parë te e fundit, është mashtrim dhe vetëm mashtrim. Ky është akt jashtëzakonisht i rëndë, në një moment të rëndësishëm për shqiptarët dhe Shqipërinë. Paraqisni një raport që nuk guxoni as ta lexoni, në mënyrë antikushtetuese vendosni që të mos lexohet ky raport, nuk ka akt më jo serioz se sa ky. Ndaj urdhëroj të tërhiqet menjëherë raporti. Raporti është fund e krye mashtrime e burokarci. Përsa i përket performancës janë të gjitha trillime. Nxijnë nga një figurë, Rama dhe Lubia”, tha Berisha mes të tjerash.
Gjithashtu ai iu drejtua edhe ish-ministres dhe deputetes Elisa Spiropali, duke e pyetur se si kishte mundësi që Balluku e quante Ramën pallosh dhe ai e mbronte, kurse atë që e quante Skënderbe e flaku.
“E kanë mbushur me mashtrime të dashur qytetarë, nuk guxojnë t’i dalin zot raportit, skandal. Nuk arrini gjer këtu. Keni detyrime ndaj qytetarëve. Të dalë këtu e të lexohet raporti. Si mund të diskutoj unë kur është një raport që s’e dinë qytetarët. Të flasësh për integrimin dhe në raport qytetarët të mos dinë çfarë është thënë. Çfarë jeni ju, mafie, po! Si ka mundësi ajo e quan pallosh i gjatë dhe ai e mbron, ti e quan Skënderbe dhe ai të flak. Cila është arsyeja?!”, tha ai.
Ish- ministrja Elisa Spiropali i është përgjigjur kreut të PD Sali Berisha, i cili u shpreh se kryeministri Rama e “flaku” edhe pse dikur ajo e ka cilësuar kreune qeverisë si “Skënderbe”.
Spiropali u shpreh në fjalën e saj në Kuvend se për sa kohë që sipas saj kryedemokrati është denoncuesi dhe garantuesi më I madh I sistemit, nuk është I besueshëm për qytetarët. Ajo shtoi se Berisha duet të largohet në mënyrë që të çlirohet opozita dhe PD-ja.
“Je denoncuesi më i madh dhe garantuesi më i madh i sistemit. Kur të çlirosh sistemin opozitën dhe partinë mund të flasim këtu dhe terma do të të ngjisin edhe më shumë. Por kontradikta e të qenit denoncues dhe garantues I jep të drejtën qytetarëve të mos të të besojnë”, tha ajo.
Discussion about this post