Lideri i Forza Italia, Silvio Berlusconi ka folur për herë të parë që prej daljes nga spitali San Raffaele. A foli për momentet e shtrimit të tij në spital, i rrethuar nga njerëz të dashur dhe si e shikon të ardhmen e partisë.
“Perceptova edhe një herë miqësinë dhe dashurinë e sinqertë, herë-herë edhe prekëse, të shumë njerëzve”, -tha Berluskoni, duke nënvizuar se ishte i gatshëm të vazhdonte “rinovimin” e lëvizjes së tij , pa “ngacmuar askënd”, duke vazhduar angazhimin për të ruajtur qendrën.
“Ishte e vështirë, por isha i rrethuar nga profesionalizmi dhe dashuria. Jam më mirë” – tha lideri i Forza Italia për Corriere della Sera – “Unë i besova, si në momentet e tjera të vështira, ndihmës së Zotit dhe profesionalizmit të mjekëve. Marta e ka superuar veten. Ajo ka qenë pranë meje me një përkujdesje dhe përkushtim të pashoq, që shpjegohet vetëm me dashurinë e madhe që na lidh. Me mua kanë qenë shumë pranë çdo ditë edhe fëmijët e mi, vëllai im, shokët e mi.”
Berlusconi ka shprehur edhe fjalë dashurie për aleatët e tij politikë: “Giorgia Meloni dhe Matteo Salvini kanë qenë pranë meje si miq të vërtetë. Edhe këtë herë kam perceptuar miqësinë dhe dashurinë e sinqertë, ndonjëherë edhe prekëse, të shumë njerëzve, madje të panjohur. Ne do të vazhdojmë të kryesojmë Qendrën”-tha Berlusconi.
“Për sa i përket të ardhmes, kemi shumë gjëra për të bërë dhe do të vazhdoj t’i bëj si gjithmonë në krye të Forza Italia”, shtoi Berlusconi, duke shpjeguar se do të vazhdojë “rinovimin” e lëvizjes së tij, siç do të vazhdojë angazhimi për “ruajtjen e qendrës”. Me zhvendosjen gjithnjë e më shumë majtas së Partisë Demokratike dhe rënien e të ashtuquajturit Poli i Tretë, i cili vdiq ende pa lindur, hapësira tek qendra zgjerohet, dhe Forza Italia kryeson vazhdimisht. Unë sigurisht që do të vazhdoj të ushtroj plotësisht, siç kam bërë gjithmonë, përgjegjësitë e mia si themelues dhe drejtues i Forza Italia. Italianët do të kthehen për të na dhënë besim të madh”
Së fundi, Berlusconi ishte optimist për të ardhmen: “Për sa i përket konsensusit, ne jemi penalizuar vitet e fundit nga efektet e një përndjekjeje gjyqësore ndaj meje, bazuar në asgjë dhe duke përfunduar me një seri lirimesh, por që na ka dëmtuar rëndë imazhin. Besoj se italianët po e kuptojnë gradualisht këtë dhe se do të kenë sërish besimin e tyre tek ne”.
Discussion about this post