Tirana po vazhdon përgatitjet dhe është gati për ndeshjen e parë të turit të dytë të Ligës së Konferencës, përballë turqve të Beshiktashit. Shehi ka zgjedhur formacionin më të mirë.
Titullarë në sfidën me Beshiktashin do të jenë ata që luajtën me Dinamon e Batumit, ndërkohë që trajneri ka të gjithë lojtarët në dispozicion në sfidën me turqit.
Me bardheblutë nga blerjet e reja, ende nuk ka debutuar Kaina. Sulmuesi në sfidën e parë ishte sëmurë, ndërsa në sfidën e dytë kishte një problem familjar dhe nuk u aktivizua nga trajneri Orges Shehi.
Për sa i përket formacionit skuadra nuk do të ndryshojë fare nga sfida e Gjeorgjisë. Ekipi fitues nuk ndryshon dhe Shehi do të hedhë më të mirët në fushë.
Me ekipin e parë do të jenë Selmani, Doka, Najdovski, Hoxhallari dhe Përgjoni. Në mesfushë: Lushkja, Jonuzi dhe Hila. Në sulm do të luajnë Abazaj si qendërsulmues, dhe nga krahët Hasani e Latifi./PanoramaSport
Discussion about this post