Anëtari i LDK, Besian Mustafa, ka deklaruar ditën e sotme se qytetarët kosovarë do të paguajnë 42 për qind më shtrenjtë energjinë elektrike, në bazë të propozimit të fundit të ZRRE-së. Ai tha se vendim që po merr qeveria nuk do të çojnë vendin në një zgjidhje, por do përkeqësojnë situatën energjetike dhe ekonominë.
“Një veprim i tillë do të kërkonte reagim deshëm apo nuk deshëm. Pavarësisht se si matematikisht e prezanton ose merr ca kosto në këtë anë dhe i vendos në anën tjetër në fund të ditës, si shtet, si Kosovë, si shoqëri, pra këto 2 milionë kosovarë që jetojnë në Kosovë, së bashku edhe me bizneset kosovare do të paguajmë 42 për qind energji me kosto më të lartë sivjet se sa vitin e kaluar. Është një fjali në këtë raport që thotë se po të ishte rritja lineare, pra nëse zbatohej për të gjithë njësoj do të ishte 42 për qind”, tha Mustafa.
Kujtojmë se, qeveria e Kosovës e ka aprovuar kërkesën e Zyrës së Rregullatorit për Energji për rritjen e çmimit të energjisë elektrike për konsumatorët që shpenzojnë më shumë se 600 këh energji elektrike në muaj.
Discussion about this post