Besimtarët bektashianë festojnë sot Ditën e Ashures.
Në Kryegjyshatën Botërore të Bektashinjve është zhvilluar ditën e sotme ceremonia e festës së “Ditës së Ashures”.
Gjatë fjalës së tij drejtuar besimtarëve, kryegjyshi botëror, Haxhi Dede Edmond Brahimaj përcolli një mesazh për të gjithë besimtarët. Kryegjyshi i Bektashinjve, Baba Mondi kërkoi që të bëhen vepra të mira dhe gjithmonë të ndihmohen të tjerët.
“Të nderuar besimtarë e klerikë, trupi diplomatik, e nderuar deputete e Gjermanisë, vëllezër nga e gjithë bota, Zoti ju nderoftë. I nderuar që sot kremtojmë ditën e Hashurës, pas 10 ditëve agjërim në nder të martirëve.
Zoti jua shpërbleftë ju që doni Pejgamerin dhe familjen e tij. Dëshira ime është që kjo ashure të jetë e mbushur me mëshirë dhe dhembshurinë e Zotit.
Promovimi i paqes, harmonisë dhe dashurisë, përkushtimi ndaj njëri tjetrit, dashurisë ndaj atdheut, larg urrejtjes në dëm të njerëzimit. Zoti na bekoftë të gjithëve amin. “, tha mes të tjerash kryegjyshi.
Discussion about this post