Besimtarët katolikë dhe ortodoksë në gjithë Shqipërinë dhe në mbarë botën festojnë Krishtlindjen, një nga festat më të rëndësishme në kalendarin fetar.
Në kryeqytet mesha e “Vigjiljes së Krishtit’ u mbajt në Katedralen e Shën Palit. Mesha e cila nisi në orën orën 23:00 (24 dhjetor) dhe vijoi deri në mesnatë u ndoq nga besimtarë të shumtë të cilët jo vetëm mbushën ambientet e brendshme të katedrales por qëndruan dhe jashtë.
Kreu i kryedioqezës Mitropolitane Tiranë-Durrës Arjan Dodaj i cili drejtoi meshën për besimtarët katolikë përcolli mesazhin për më shumë dashuri dhe paqe.
Ndërkohë, në Shkodër, mesha e shenjte u mbaj nga Arqipeshkvi i dioqezës Shkodër-Pult, Monsinjor Angelo Massafra.
Po ashtu mësohet se në Durrës mesha në vigjilje të Krishtlindjes u mbajt në Kishën Katolike Shën Dominiku në zonën e ish-Kënetës, ndërsa u zhvillua edhe në qytetet e tjera.
Ndërkohë sot me rëndësi është edhe dreka e Krishtlindjeve, ku nuk mungojnë dhuratat, ushqimet e shumëllojshme.
Mesha është mbajtur edhe në qytete të tjera të Shqipërisë!
Discussion about this post