Pas Meshës së Dritës, të zhvilluar të hënën në mbrëmje në të gjitha katedralet katolike të vendit, lutjet në nderim të Papa Françeskut kanë vijuar edhe gjatë së Martës në Katedralen Katolike të Shën Palit në Tiranë nga besimtarët e shumtë.
Lutjeve për ndarjen nga jeta të Atit të Shenjtë iu bashkuan edhe turistët e huaj që kanë vizituar vendin tonë. Në nderim të Papa Françeskut, besimtarët kanë ndezur edhe qirinj në ambientet e brendshme të katedrales katolike të kryeqytetit.
Përgjatë gjithë këtyre ditëve deri në varrimin e Papa Françeskut, katedralet katolike në mbarë vendin do të jenë të hapura për të gjithë besimtarët për të shprehur mirënjohjen dhe për t’u lutur për Atin e Shenjtë.
Gjatë Meshës së Dritës të zhvilluar në Tiranë, Arqipeshkvi i Dioqezës Tiranë-Durrës, Imzot Arjan Dodaj e cilësoi Atin e Shenjtë si “shtegtar të shpresës dhe mirësisë, që e deshi shumë edhe popullin shqiptar dhe Shqipërinë”.
Discussion about this post