Një shqiptar është shpallur fajtor pasi akuzohet se ka ndihmuar dy vrasës të fshehin gjurmët e tyre pasi dy burra u vranë në veri të Londrës në vitin 2019. Mirjan Ismaili, 52 vjeç, u shpall fajtor për fshehje të ngjarjes. Juria mësoi se si Ismaili ndihmoi mikun e tij Besnik Berisha pas vrasjes së Shkëlqim Pajës dhe Arbër Feskos më 19 dhjetor 2019.
Kryeinspektori i Detektivit Neil Rawlinson nga Komanda Speciale e Krimeve të Met tha:
“Mirjan Ismaili nuk e vrau Shkëlqim Pajën dhe Arbërin. Ai luajti një rol integral në përpjekjen për të siguruar që ata që i shmangeshin zbulimit. Ismaili ishte i siguruar për të drejtuar furgonin që përdorej për asgjësimin e njërit prej trupave dhe ishte i pranishëm kur u hodh.
SI NDODHËN VRASJET?
Kaziku Tuwisana, 33 vjeç dhe Besnik Berisha janë shpallur fajtorë për vrasjen e dy shqiptarëve në Londër të premten e 9 korrikut. Viktimat janë Arbër Fesko, 30 vjeç dhe Shkëlqim Paja, 36 vjeç. Shkëlqim Paja dhe Besnik Berisha ishin njohur me njëri-tjetrin për rreth tre vjet para vrasjeve. Vitin e fundit, miqësia e tyre kishte pësuar krisje. Kjo besohet të ketë ndodhur për rreth 15,000 £ që agresori i detyrohej viktimës.
Më 18 dhjetor 2019, Paja nisi që të kishte shqetësime se Berisha po i planifikonte diçka pas shpine, ndaj dhe kishte shqetësime. Sidoqoftë, të nesërmen (19 Dhjetor) Berisha e kontaktoi përsëri duke thënë se ai ishte gati të paguante paratë që i detyrohej. Kështu që atë mbrëmje, viktima shkoi pranë vendit ku Berisha jetonte bashkë me shokun tjetër Arbër Fesko.
Rreth orës 20:00, një qytetar lajmëroi Policinë kur pa shërrin që kishte nisur. Por kur efektivët mbërritën në vendin e ngjarjes gjetën vetëm gjakun në tokë së bashku me telefonët e viktimave.
Pranë zonës u gjet trupi i masakruat me thika i Arbër Freskos, ndërsa kufoma e Shkëlqim Pajës u gjet të nesërmen, i hedhur në një gardh në Radlett, Hertfordshire. Edhe ai ishte qëlluar me thika. Kamerat e sigurisë në zonë kishin kapur një furgon të bardhë që qarkullonte në zonë, por Berisha e mohoi se ishte i tiji, duke pretenduar se e kishte shitur pak ditë para vrasjes. Megjithatë kjo pistë u mohua nga “blerësi” i mjetit.
Vetë automjeti u gjet i braktisur në Barnet më 30 dhjetor; në pjesën e pasme u gjet gjaku i Shkëlqimit gjë që konfirmoi dhe përdorjen e mjetit në vrasje. Pas mbledhjes së provave, të dy të arrestuarit u shpallën fajtor për vrasjen por masa e dënimin që pritet të jetë burg përjetë pritet t’u lexohet të premten me 16 Korrik.
Discussion about this post