“Qengji i urtë që pi dy nëna”. Kjo fjalë e urtë mund të përshkruajë rastin e Besnik Meçit, një person fizik që merr pa garë tenderët e Bashkisë së Tiranës, po ashtu të Shijakut. Bëhet fjalë për qindra milionë lekë nga fondet publike.
Tenderat pa garë të Erion Veliajt
Tashmë e ka kthyer në “traditë” dhënia e tenderëve pa garë për kompanitë e miqve të Erion Veliajt. Kjo procedurë tenderimi është bërë së fundmi në datën 20 shtator të këtij viti nga Drejtoria e Përgjithshme e Pastrimit dhe Gjelbërimit në Bashkinë Tiranë.
Tenderi i cili është hapur për riparimin e pompave, të puseve dhe shatërvanëve, është me numër reference REF-04872-09-09-202 dhe ka një fond limit prej 1 600 000 milionëve të reja. Në garë ka marrë pjesë vetëm një kompani dhe që është shpallur automatikisht fituese, e cila është me emrin e personit fizik Besnik Meçi.
Kjo kompani rezulton të ketë nënshkruar 13 kontrata me bashkinë e Tiranës me një vlerë prej më shumë se 227 milionë lekësh të vjetra.
I favorizuar edhe në Shijak
Por kjo kompani nuk është e preferuar vetëm për Veliajn. Në datën 17 nëntor, ka marrë një tender me po të njëjtën procedurë edhe nga kryebashkiaku Elton Arbana i Bashkisë së Shijakut.
Tenderi i cili është hapur në datën në datën 1 tetor, për blerje pjesë këmbimi për mjetet e bashkisë Shijak, ka numër reference REF-06921-09-30-2021 dhe një fond limit prej 4 299 250 milionë lekë të reja. Në garë ka qenë vetëm kompania në fjalë, Besnik Meçi e cila është shpallur dhe automatikisht fituese.
Edhe me Bashkinë Shijak, kjo kompani ka nënshkruar 9 kontrata ndër vite me një vlerë prej 208 milionë lekë të vjetra.
Në historikun e aktivitetit të saj, kjo kompani shumicën e kontratave publike të përfituara i ka në këto dy bashki. Kjo do të thotë se nuk është rastësi “favorizimi” që i është bërë edhe në dy tenderët e fundit që ka fituar, në Bashkinë Tiranë dhe Bashkinë Shijak, duke garuar e vetme.
Këto tenderë shënohen me “red flag”, për arsyen se kjo kompani e vetme, pa konkurrentë është shpallur fituese.
Gijotina.com
Discussion about this post