Ish-ministri i Jashtëm dhe shkrimtari Besnik Mustafaj, ka marrë pjesë sot në aktivitetin e mbajtur nga Partia Demokratike e Rithemelimit, në përkujtim të 8 Dhjetorit të 1990, ku protestat studentore përmbysën regjimin komunist.
Gjatë fjalës së tij, Mustafaj është shprehur se kjo ditë më shumë se përkujtim ka nevojë për thirrje, duke theksuar se “struktura si PS-ja, përpiqen ta njollosin këtë datë dhe ta përvetësojnë”.
“Duhet të kemi vullnetin për të pastruar këtë baltë të pistë që hedh mbi historinë Partisë Demokratike makina e stërmadhe e Sigurimit të Shtetit dhe Partisë së Punës”, tha ai.
“Kjo ditë më shumë se përkujtim ka nevojë për thirrje. Një nga problematikat është përpjekja që është bërë nga struktura siç është PS, për të njollosur 8, 9, 10, 11 dhjetorin, për ta përvetësuar dhe për të hedhur në dyshim atë histori që u shkrua nga studentët dhe intelektualët e që shënoi rënien e diktaturës. Duhet të kemi vullnetin për të pastruar këtë baltë të pistë që hedh mbi historinë Partisë Demokratike makina e stërmadhe e sigurimit te shtetit dhe Partisë së Punës.
E dyta ka të bëjë me faktin që 8 dhjetori është zanafilla, dhe llava ishin të rinjtë. Unë i përkisja brezit te 30-vjeçarëve, dhe brezi im nuk do kishte pasur guximin si të rinjtë. E quaj të rëndësishme që sot PD dhe të gjithë strukturat, të mbajnë vëmendjen tek te rinjtë dhe të gjejnë tek ta energjinë që duhet për një përmbysje të madhe që duhet sot. Ky kremtim do bëjë pjesë në një punë të organizuar që do bëj PD për t’i mbajtur lartë simbolet e saj.”, u shpreh ai.
Dita Kombëtare e Rinisë, u caktua si e tillë nga Kuvendi i Shqipërisë më 8 dhjetor të vitit 2009, për të kujtuar lëvizjen e studentëve në dhjetorit e vitin 1990, e cila ishte pikënisja e rrëzimit të regjimit komunist.
Discussion about this post