Ndarja e Shakirës dhe Zherard Pike ishte një ndër më të bujshmet në Hollywood për vitin që lamë pas.
E teksa ish-çifti janë treguar të rezervuar për të folur pas ndarjes së tyre, Shakira ka vendosur të hapi zemrën gjatë intervistës së saj në Billboard. Gjatë bisedës, ylli latin u shpreh se ajo mendonte se do të ishte me ish-futbollistin derisa vdekja t’i ndante.
“Prioriteti im ishte shtëpia ime, familja ime. Unë besoja në ‘derisa vdekja të na ndajë’. Unë e besova atë ëndërr dhe e pata atë ëndërr për veten time, për fëmijët e mi”, tha ajo për gazetën.
Kolumbiania shtoi se shpresonte të kishte një dashuri të përjetshme të ngjashme me prindërit e saj, të cilët kanë qenë së bashku për 50 vjet.
“Ata e duan njëri-tjetrin si ditën e parë, me një dashuri unike dhe të papërsëritshme. Kështu që unë e di që është e mundur. Dhe ata kanë qenë gjithmonë shembulli im. Kjo është ajo që doja për veten dhe fëmijët e mi, por nuk ndodhi”, tha ajo.
Duke reflektuar mbi lidhjen e mëparshme me Pikenë, 46 vjeçarja, pranoi se iu desh ta vinte karrierën e saj muzikore në prapavijë ndërsa jetonte me ish-futbollistin në Spanjë.
“Unë i jam përkushtuar atij, familjes sonë. Ishte shumë e vështirë për mua të fokusohesha tek karriera ime profesionale ndërsa jetoja në Barcelonë. Nuk mund t’i lija fëmijët e mi. Ishte e vështirë të ruaje ekuilibrin”, rrëfeu Shakira.
Discussion about this post