Krijimi i dy fronteve në selinë blu Berisha-Basha dhe thirrja e dy Kuvendeve Kombëtare, ka sjellë edhe shpërqendrim nga e demokratëve të cilët tashmë ndodhen mes “dy zjarreve”. Një gjë e tillë ka ndodhur edhe me deputeten e Krujës.
Drejtoresha e Komunikimit e Foltores së ish-kryeministrit Sali Berisha, Floriana Garo, shpërndau foto të një takimi të ish-kryeministrit me demokratët e Krujës ku theksonte se deputetja e PD Merita Bakiu mbështet Foltoren.
“Deputetja e PD Merita Bakiu mbështet Foltoren!Ish Kryeministri Berisha takon për një kafe deputeten e Krujës Znj. Merita Bakiu dhe ish drejtuesit e qeverise vendore, bashkisë dhe rrethit Kruje Sulejman Xhixha, Ylli Lamaj, e Shkëlzen Hoxha me të cilët diskutoi krizën qe po kalon Partia Demokratike. Ne takim u fol edhe për mbështetjen e forte për një Parti Demokratike më të hapur e më të bashkuar.Z. Berisha iu komunikua se 2/3 e delegateve te Kuvendit Kombëtar kane firmosur formularin”.
Por sapo lajmi u publikua në media, zonja Bakiu nxitoi të bënte një reagim duke sqaruar dhe pozicionin e saj. Ajo e ka cilësuar këtë takim mikpritës duke mos lënë të nënkuptohet pozicionimi i saj në dy frontet e krijuara në Partinë Demokratike.
“Përtej çdo keqpërdorimi dhe tentativë për përçarje: Si demokrate dhe krutane, nuk kam refuzuar dhe nuk do të refuzoj kurrë ftesën për kafe apo vizitë të asnjë demokrati. Mikëpritja është virtyt i çdo krutani. Këtë kam bërë edhe sot kur ka ardhur për kafe z. Berisha. Kam theksuar në takimin miqësor me demokratët nevojën që të përqendrojmë betejën ndaj regjimit të Edi Ramës, të jemi të gjithë bashkë dhe pa ndasi. Për këtë arsye, duhet të ecim së bashku me parimin “Një parti, një Kuvend”. dita e Kuvendit Kombëtar sipas statutit te PD është Ditë e madhe bashkimi e çdo demokrati. Të gjithë bashkë jemi më të fortë kundër regjimit të Edi Ramës. Betejën e kemi vetëm me të”.
Discussion about this post