Tensionet kanë arritur sërish pikën kulmore në zonën e Baks-Rrjollit në Velipojë, ku protesta e banorëve kundër ndërtimit të një resorti turistik ka degjeneruar në përplasje të dhunshme me forcat e policisë.
Gjatë protestës së ditës së shtunë, banorët kanë akuzuar policinë për përdorim të forcës, veçanërisht ndaj grave, ndërsa një prej protestueseve ka përfunduar në spital pas lëndimeve të marra.
Pprej më shumë se 40 ditësh, banorët e Baks-Rrjollit kundërshtojnë një projekt investimi që parashikon ndërtimin e një kompleksi turistik në atë që ata pretendojnë se është toka e tyre e trashëguar brez pas brezi. Situata u përshkallëzua kur forcat e policisë ndërhynë për të lejuar vijimin e punimeve nga firma ndërtuese, duke çuar në konfrontim fizik me protestuesit.
Një situatë e tillë është regjistruar edhe gjatë paradites së kësaj të shtune, ku banorët pretendojnë se është ushtruar dhunë edhe ndaj grave të cilat kanë qenë të pranishme në protestë, ndërkohë që ka pasur edhe disa banorë të shoqëruar në furgonët e policisë për t’i dërguar drejt komisariatit të policisë së Shkodrës.
Nga ana tjetër banorët vijojnë të kërkojnë drejtësi pasi pretendojnë se kanë të gjithë dokumentacionin e nevojshëm dhe po protestojnë në tokat e tyre. Vetë banorët kanë kërkuar që të ndalen punimet në zone, derisa të merret një vendim nga ana e institucioneve përsa i përket pronësisë së tokës, por pavarësisht kësaj firma ka vijuar me punimet në zonë dhe është detyruar më pas edhe policia që të mbrojë punonjësit e firmës në mënyrë që të mos ketë përplasje me banorët e zonës.
Një nga banorët e zonës, Luçiana Kokaj, një nga banoret pra më aktive të kësaj proteste ka bërë përgjegjës gjatë ditës së sotme prokurorinë e Shkodrës nëse ndodh gjë në zonën e Baks Rrjollit, prandaj ka kërkuar që të hetohet dosja. Është dashur edhe ndërhyrja e ambulancës për të ardhur në zonë për të transportuar një nga banorët e zonës drejt Spitalit Rajonal të Shkodrës, pasi ka marrë lëndime dhe sipas banorëve ka marrë lëndime një nga banorët e zonës si shkak i përplasjes me forcat e policisë dhe para pak minutash ka ardhur edhe mjeti i ambulancës për të transportuar një nga banorët e zonës drejt Spitalit Rajonal të Shkodrës.
Sipas nanoreve, sipërfaqja ku po ndërtohet resorti ne siperfaqe rreth 146 hektarë tokë, u përket familjeve të zonës dhe është përvetësuar në mënyrë të paligjshme përmes dokumenteve të falsifikuara. Ata pretendojnë se toka është kaluar në pronësi të ish-zyrtarit të Kadastrës, Fatmir Shpellza, i cili më pas ia ka shitur biznesmenit Bashkim Ulaj.
Discussion about this post