Superiorja luan duelet e parafundit për këtë sezon dhe pikëpyetjet e vetme lidhen me skuadrat që do të shkojnë në kupat e Europës sezonin e ardhshëm, veç Tiranës e Laçit që i kanë siguruar.
Të gjitha ndeshjet sot zhvillohen në orën 17:00, ndërkohë që në program spikat Dinamo-Tirana që si rrallëherë do të jetë si një miqësore, për shkak se ekipet nuk kanë më objektiva këtë sezon.
Partizani, Kukësi dhe Vllaznia i kanë finale duelet e sotme kundër Kastriotit, Skënderbeut dhe Egnatias.
Teuta ndërkohë pret Laçin dhe shpreson ende se mund të kapë vendin e katërt, që të shpresojë për një vend në kupat e Europës, që mund të arrihet nëse kurbinasit fitojnë Kupën e Shqipërinë kundër Vllaznisë.
Discussion about this post