Real Betis ka fituar pas 17 vitesh Kupën e Spanjës, pasi mundi me penallti skuadrën e Valencias. Skuadra nga Andaluzia i realizoi të gjitha penalltitë dhe shfrytëzoi gabimin e Musah.
Koha e rregullt e takimit dhe shtesat kishin përfunduar në barazim 1-1. Betis kaloi shumë shpejt në epërsi, duke shënuar me anë të Inglesias që në minutën e 11-të të ndeshjes.
Valencia sigurisht nuk mund të dorëzohej, pasi kishte gjithë kohën e mjaftueshme për t’ia ndryshuar fatet ndeshjes. Pas gjysmë ore lojë Duro arriti të barazonte.
I njëjti lojtar mund të shënonte në fillim të pjesës së dytë, kurse Betis rrezikoi me Juanmi dhe Sergio Canales. Fekir gjithashtu kishte mundësi ta mbyllte ndeshjen. Ai nuk ia doli, sikurse edhe të tjerët, duke bërë që gjithçka të mbyllej në barazim 1-1 dhe nga penalltitë Betis ngriti trofeun.
Discussion about this post