Një ngjarje e rëndë është regjistruar gjatë natës në fshatin Dukat të Vlorës, ku katër betoniere janë përfshirë nga flakët brenda një kantieri ndërtimi. Mjetet e djegura ishin në pronësi të Blerti Mehillajt.
Pas njoftimit, në vendngjarje kanë mbërritur forcat zjarrfikëse të Vlorës, të cilat kanë ndërhyrë për shuarjen e flakëve dhe neutralizimin e rrezikut në zonë. Pavarësisht ndërhyrjes, betonieret janë djegur plotësisht, duke pësuar dëme të konsiderueshme materiale.
Sipas informacioneve paraprake, dyshohet se zjarri mund të ketë qenë i qëllimshëm. Policia ka nisur hetimet për të zbardhur rrethanat e plota të ngjarjes dhe për të identifikuar autorët e mundshëm.
Discussion about this post