Gazetari Ferdinand Dervishi, duke folur për zhdukjen e Ervis Martinajt dhe bizneset e tij me lojërat e fatit, tha se ai ishte i dyshuar në vrasjen e Elvis Doçit i cili i shiti qindra makineta të lojërave të fatit pak ditë para se të niste operacioni policor për bllokimin e tyre. Por kur policia ushtroi kontroll te zyrat e kompanisë së Martinajt, aty u gjetën dhjetëra punonjës, që pas xhamave të blinduar numëronin milionat e fituara nga lojërat e fatit. Dervishi tha se policia zbuloi edhe dy bilance me një total prej rreth 1 milionë eurosh, që mund të ishte fitimi ditor nga ky aktivitet.
“Ai kontrollonte lojërat e fatit, në tetor të 2013-ës, në momentet kur u ndaluan lojërat e fatit në Shqipëri, ky akuzohet apo dyshohet se ka vrarë Elvis Doçin, një bashkëpunëtor të tij. I cili dyshohet se e dinte për operacionin e sekuestrimit të lojërave të fatit dhe i shiti një numër të madh makinetash. Policia ka bërë kontroll te zyrtar, ishin me xhama të blinduar, brenda kishte një numër të madh njerëzish që kontrollonin paratë, zhurma ngjante si një makineri e madhe. Aty janë gjetur dy bilance, 970 milionë lekë të vjetër, dhe dy miliardë lekë. Pra 1 milionë euro mund të ketë qenë fitimi në ditë. Pas mbylljes së lojërave të fatit, ata iu futën basteve sportive, dhe i kanë marrë shqiptarëve të njëjtën shumë. E kanë vazhduar dhe vazhdojnë këtë punë” – u shpreh Dervishaj.
Discussion about this post