Presidenti i SHBA-së, Joe Biden është shprehur ditën e sotme se është e diskutueshme nëse presidenti rus, Vladimir Putin kontrollon Mariupolin, Ukrainë.
“Është e diskutueshme nëse ai kontrollon Mariupolin. Nuk ka ende asnjë provë që Mariupoli është plotësisht i dorëzuar”.
Nga ana tjetër, Biden gjatë diskutimit i bëri thirrje gjithashtu Vladimir Putin që të lejojë ndihmën humanitare në Ukrainë dhe daljen e njerëzve që janë bllokuar brenda fabrikës së çelikut.
“Kjo është ajo që çdo kryetar shteti do të bënte në çdo rrethanë”.
Ndërkohë, sipas burimeve për CNN bëhet me dije se Putini ka hequr dorë nga planet për të sulmuar fabrikën e çelikut Azovstal në Mariupol, duke thënë se ata që zgjedhin të dorëzohen duhet të trajtohen në përputhje me konventat ndërkombëtare. Putin urdhëroi forcat që të bllokojnë centralin në mënyrë që asnjë mizë të mos mund të kalojë.
Së fundmi, forcat ukrainase po vazhdojnë t’i rezistojnë sulmeve ndaj uzinës dhe po injorojnë thirrjet ruse për t’u dorëzuar.
Presidenti ukrainas Volodymyr Zelensky tha se forcat e vendit nuk kanë mjaftueshëm armë “serioze dhe të rënda” për të mposhtur ushtrinë ruse në Mariupol pasi mijëra civilë kanë mbetur të bllokuar brenda qytetit.
Discussion about this post