Që në kohën kur Rusia sulmoi Ukrainën për herë të parë, presidenti i SHBA Joe Biden dhe homologu ukrainas Volodymyr Zelensky flasin në telefon sa herë Amerika shpall një paketë të re ndihme ushtarake për Kievin.
Por një telefonatë mes dy liderëve ka qenë ndryshe nga ato të mëparshme, pasi kreu i Shtëpisë së Bardhe mezi kishte pritur për ti thënë Zelenskyt se sapo kishte dhënë dritën jeshile të 1 miliard dollarëve të tjerë në ndihmë ushtarake amerikane për Ukrainën, kur Zelenskyy filloi të listonte të gjithë ndihmën shtesë që i nevojitej dhe nuk po merrte.
Biden e humbi durimin, thanë njerëzit që kishin dijeni për thirrjen telefonike, raporton NBC.
“Populli amerikan po tregohej mjaft bujar dhe administrata dhe ushtria amerikane po punonin shumë për të ndihmuar Ukrainën” tha ai, duke ngritur zërin dhe duke kërkuar nga Zelenskyy të tregonte pak më shumë mirënjohje.
Zyrtarët e administratës thanë se marrëdhënia e Biden dhe Zelenskyy janë përmirësuar vetëm që nga telefonata e qershorit, pas së cilës Zelenskyy bëri një deklaratë duke lavdëruar SHBA-në për ndihmën e saj bujare.
Por përplasja pasqyron vetëdijen e hershme të Biden se mbështetja e Kongresit dhe ajo publike për dërgimin e miliarda dollarëve në Ukrainë mund të fillojë të zbehet. Ky moment ka ardhur pikërisht në momentin që presidenti përgatitet t’i kërkojë Kongresit të japë dritë jeshile edhe më shumë për të ndihmuar Ukrainën.
Discussion about this post