Kryeministri Netanyahu nuk po bën mjaftueshëm për marrëveshjen e Gazës, akuzon presidenti amerikan Joe Biden.
“Fjalë shqetësuese dhe të rrezikshme”, i përgjigjet zyra e kryeministrit izraelit ”shpërthimit” amerikan, i cili i bashkohet grevës së përgjithshme dhe protestave të mëdha në rrugë.
Më pas në një konferencë për shtyp në mbrëmje, Netanyahu u kërkoi falje familjeve të gjashtë pengjeve të vrarë “që nuk mundi t’i sjellë të gjallë në shtëpi”, duke premtuar se “Hamasi do të paguajë një çmim të rëndë për këtë”.
“Ne jemi në mes të një lufte ekzistenciale kundër Iranit. Fitorja jonë varet nga bashkimi ynë. Ata vranë gjashtë pengje me gjakftohtësi me një plumb në qafë. Nuk mendoj se Biden mund të ketë thënë se nuk jemi serioz”, shtoi ai.
Por, presidenti amerikan dhe Bibi tani duket se kanë arritur një përballje, ndërkohë që negociatat për një armëpushim dhe lirimin e të burgosurve nën sulmet e vazhdueshme të Izraelit në Gaza janë zvarritur më kot për muaj të tërë.
Aq sa qeveria britanike, në një lëvizje të paprecedentë, vendosi të pezullojë pjesërisht furnizimin me armë në Tel Aviv, për shkak të “rrezikut të qartë se ato mund të përdoren për të kryer ose lehtësuar një shkelje të rëndë të ligjit ndërkombëtar humanitar”.
Discussion about this post