Presidenti i Shteteve të Bashkuara, Joe Biden, sipas një zyrtari amerikan, gjatë takimit që do të mbajë sot me homologun e tij turk Rejep Tajip Erdogan, pritet t’a paralajmërojë këtë të fundit që të mos ndërrmarri veprime të ngutshme të cilat mund të dëmtojnë raporteve mes SHBA-së dhe Turqisë.
Kjo kërkesë e Biden vjen pas urdhërit të presidentin Erdogan për shpalljen “non grata” të dhjetë ambasadorëve perëndimor në Turqi, ku përfshihej dhe një amerikan.
Në fillim të këtij muaji këto dhjetë ambasadorë përkrahën lirimin e aktivistit të burgosur, Osman Kavalla, që njihet si kundërshtues i politikave që presidenti turk ndjek.
Ndonëse fillimisht Erdogan i revoltuar u shpreh se do t’i shpallte “non-grata”, disa ditë më vonë tërhoqi këtë vendim duke theksuar se ato e kishin kuptuar gabimin.
Ankarasë nuk ishte të krijonte një krizë. Biden dhe Erdogan po marrin pjesë në një samit të Grupit G20-ës në Romë të Italisë.
Një zyrtar amerikan, duke folur me gazetarët tha se Biden do t’i thotë Erdoganit se “duhet gjetur një mënyrë për të shmangur krizat dhe se veprimet e ngutshme nuk janë në dobi të partneritetit dhe aleancës SHBA-Turqi”.
Mosmarrëveshja nisi kur ambasadat e Shteteve të Bashkuara, Gjermanisë, Kanadasë, Danimarkës, Finlandës, Francës, Holandës, Zelandës së Re, Norvegjisë dhe Suedisë lëshuan një deklaratë të përbashkët duke kërkuar lirimin e Kavallës.
Filantropi, Kavalla, 64-vjeç, për katër vite po mbahet në paraburgim edhe pse ende nuk ka një vendim për dënimin e tij nga gjykata.
Paraburgosja e tij ndodhi pas protestave dhe tentativës për grusht shtetit në vitin 2016. Biden do të diskutojë gjithashtu me Erdogan lidhur me kërkesën e Turqisë për të blerë avionë luftarakë F-16, raportet në fushën e mbrojtjes mes dy vendeve dhe një sërë çështjesh rajonale si Siria dhe Libia.
