Tre inspektorë të pikës kufitare të Kapshticës janë proceduar në gjendje të lirë nga policia e Korçës, pasi lejuan kalimin e mallrave kontrabandë përmes ryshfetit, konkretisht shtetasit:
– Inspektor S. H., 37 vjeç, me detyrë Ndihmës/Specialist kontrollor në PKK Kapshticë;
– Inspektor A. B., 55 vjeç, me detyrë Ndihmës/Specialist kontrollor në PKK Kapshticë;
– V. S., 42 vjeç, me detyrë Doganier pranë Degës Doganore Kapshticë.
Sektori i Agjencisë së Mbikëqyrjes Policore Korçë po ashtu ka kapur në flagrancë shtetasin shtetasin K.A. që transportonte mallra kontrabandë, përfshirë këtu edhe karburant.
Në cilësinë e provave materiale janë sekuestruar 1 automjet tip “Sharon”, sasi vlerash monetare të përfituara në mënyrë të kundraligjshme nga aktiviteti i kontrabandës në ambientet e punës, sasi e konsiderueshme e mallrave industriale, karburant, si dhe mallra të tjera.
Materialet i kaluan për veprime të mëtejshme Prokurorisë pranë Gjykatës së Shkallës së Parë Korçë.
Discussion about this post