Duket se dimri ka vendosur të vijë herët në vendin tonë këtë vit. Pas zonës së Dardhës në Korçë dhe Vermoshit në veri, edhe në qarkun e Elbasanit janë regjistruar reshjet e para të dëborës.
Parku Kombëtar i Shebenikut është zbardhur këtë mëngjes ndërkohë që reshjet e dëborës vijojnë të bien. Aktualisht nuk raportohet për probleme në qarkullimin e mjeteve, megjithatë kërkohet kujdes për të shmangur çdo incident të mundshëm.
Reshje shiu dhe dëbore me intensitet të ulët janë regjistruar edhe në zonat malore të qarkut të Shkodrës.
Deri në këtë moment nuk raportohen situata problematike, aktualisht raportohet për reshje dëbore në bashkinë Pukë dhe Fushë Arrëz, por pa krijuar probleme.
Në aksin Bogë – Theth ka reshje dëbore, por qarkullimi vijon pa probleme. Në këtë aks rrugor kërkohet që automjetet të qarkullojnë me goma dimërore.
Nga strukturat e OSHE nuk raportohen situata problematike, megjithatë në bashkinë Vau Dejës informohemi për shkëputjen e energjisë elektrike.
Discussion about this post