Bie nga kati i 5-të i pallatit, humb jetën 56-vjeçari

Një 56-vjeçar ka humbur jetën pasditen e sotme pasi ka rënë nga lartësia. Sipas një njoftimi nga Policia, ngjarja ka ndodhur rreth orës 14:40 në lagjen “Konferenca e Pezës” në Fier.

Viktima F.H, 56 vjeç, dyshohet se ka rënë nga kati i pestë i një pallati.

Fier/Informacion paraprak

Rreth orës 14:40, në lagjen “Konferenca e Pezës”, Fier, dyshohet se ka rënë nga lartësia e katit të pestë të një pallati, shtetasi F. H., rreth 56 vjeç, i cili për pasojë ka humbur jetën.

Grupi hetimor po punon për sqarimin e rrethanave të rastit.