Një 42-vjeçar, punonjës në një kantier ndërtimi, ka humbur jetën gjatë një aksidenti në punë. Ngjarja ka ndodhur ditën e djeshme në Lundër, ku dyshohet se për shkak të mungesës së sigurimit teknik, ka rënë nga lartësia e objektit ku ishte duke punuar, shtetasi A. M., 42 vjeç, banues në fshatin Ibë. Si pasojë e plagëve të marra, 42-vjeçari ka humbur jetën në spital”, njofton policia.
Policia njoftoi se ka arrestuar drejtuesin teknik të firmës, 66-vjeçarin A.B.
Njoftimi nga Policia
Policia ka vënë në pranga ditën e sotme një 66 vjeçar, me detyrë teknik në një firmë, pasi ditën e djeshme, në Lundër, dyshohet se për shkak së mungesës së sigurimit teknik në punë, ka rënë nga lartësia e objektit ku ishte duke punuar një 42 vjeç, i cili ka ndërruar jetë.
“Specialistët për Hetimin e Krimeve të Komisariatit të Policisë Nr. 1 arrestuan shtetasin A. B., 66 vjeç, banues në Tiranë, me detyrë drejtues teknik në një firmë, pasi ditën e djeshme, në Lundër, dyshohet se për shkak së mungesës së sigurimit teknik në punë, ka rënë nga lartësia e objektit ku ishte duke punuar, shtetasi A. M., 42 vjeç, banues në fshatin Ibë. Si pasojë e plagëve të marra, 42-vjeçari ka humbur jetën në spital”, njofton policia.
Discussion about this post