Një ngjarje e rëndë është shënuar pak minuta më parë në fshatin Gurrë të Klosit, ku mësohet se një 63 vjeçar ka rënë nga një lartësi e madhe, duke u plagosur rëndë në kokë.
Bëhet fjalë për K.C., 63 vjeç, i cili është transportuar me urgjencë në spitalin e Burrelit ku dhe ka marrë ndihmën e parë. Për shkak të plagëve të rënda, bluzat e bardha të këtij spitali kanë vendosur transportimin me helikopter drejt spitalit të Traumës në Tiranë.
Nuk dihen ende rrethanat e ngjarjes nëse 63-vjeçari ka qenë me bagëti apo duke mbledhur bimë medicinale, por policia po heton për rrethanat e ngjarjes.
Discussion about this post