Bie nga pallati në ndërtim, 26-vjeçari përfundon në spital

Një tjetër aksident në punë është regjistruar ditën e sotme, ku nga një pallat në ndërtim, ka rënë nga lartësia një 26-vjeçar.

Policia njoftoi se ngjarja ka ndodhur në rrugën “Besnik Hidri”, në një pallat në ndërtim e sipër. Policia tha se dyshohet se aksidentalisht ka rënë nga lartësia ku ishte duke punuar shtetasi E. H., 26 vjeç.

Si pasojë 26-vjeçari është dëmtuar dhe ndodhet në spital, nën kujdesin e mjekëve.

Grupi hetimor po punon për sqarimin e rrethanave të ngjarjes.