Në vajzë e mitur është plagosur në Velipojë këtë të diel, teksa ishte duke lundruar me skaf bashkë me familjarët.
“Në plazhin e Velipojës, një shtetase e mitur 8-vjeçare, e shoqëruar nga familjarët e saj, dyshohet se gjatë kohës që lundronin me një mjet lundrues skaf të familjarit të tyre aksidentalisht është rrëzuar dhe ka dëmtuar lehtë këmbën”, njoftoi policia.
Shtetasja e mitur, shtuan të njëjtat burime, është dërguar në spital për ndihmë mjekësore jashtë rrezikut për jetën.
“Drejtuesi i mjetit lundrues, shtetasi D. H., 57 vjeç, është shoqëruar në ambientet e Policisë Kufitare për veprime të mëtejshme, ndërsa mjeti lundrues skaf është bllokuar nga shërbimet e DVKM Shkodër. Grupi hetimor, nën drejtimin e Prokurorit, vijon punën për sqarimin e plotë të rrethanave të rastit”, mbyllet njoftimi i bluve.
Discussion about this post