Një person ka rrezikuar të mbytet ditën e sotme në ujërat e lumit Drin pasi ka rënë teksa po kalonte urën në zonën e Ishull Lezhës.
Lidhur me ngjarjen bëhet me dije se personi është parë nga kalimtarët kur ka rrëshqitur nga ura të cilët menjëherë kanë njoftuar ambulancën dhe zjarrfikësen.
Ai ka qenë duke lëvizur me biçikletë, teksa një pllakë ka lëvizur, duke bërë që të humbasë kontrollin dhe të përfundojë poshtë urës.
Gjithashtu, zjarrfikësja ka mbërritur menjëherë dhe ka bërë të mundur nxjerrjen e personit i cili kishte pësuar lëndime gjatë rënies.
Deri më tani policia nuk ka dal me një njoftim zyrtar po ndodhet në vendngjarje dhe po punon për zbardhjen e mëtejshme të situatës.
Discussion about this post