Pas disa muajsh rritje të fortë, volumi i parave në qarkullim jashtë bankave ka shënuar rënie në shtator, por gjithësesi duke mbetur në nivele shumë të larta. Nga 410,6 miliardë lekë në gusht, i cili ishte edhe muaji rekord, sasia e parave jashtë bankave ka rënë në 408 miliardë lekë në shtator.
Në muajin prill, volumi i parave jashtë sistemit bankar ishte 399,5 miliardë. Në janar të këtij viti ishte regjistruar edhe rekordi i mëparshëm, kur totali i parave në qarkullim kaloi nivelin e 402 miliardë lekëve.
Gjithsesi, megjithë rënien e lehtë në shtator, volumi i parave jashtë bankave mbetet shumë i lartë me vitet e mëparëshme, veccanërisht periudhës para Pandemisë Covid 19. Të dhënat historike tregojnë se në 2020-n, është shënuar rritja më e fortë vjetore, me 53 miliardë lekë, ose +18%, që nga viti 2002.
Në fund të vitit 2020, jashtë sistemit bankar qarkullonin 344 miliardë lekë (2.8 miliardë euro), sipas statistikave të publikuara nga Banka e Shqipërisë.
Në janarin e vitit 2022, totali i parave që qarkullonin jashtë bankave ishte pak më shumë se 376 miliardë lekë, thuajse 35 miliardë lekë, apo rreth 340 milionë euro më pak nga sa qarkullojnë aktualisht.
Ky tregues ka ardhur në rritje përgjatë gjithë vitit të shkuar për të kulmuar, ndërkohë që është stabilizuar muajt e fundit mbi kufirin e 400 miliardë lekëve.
Sasi kaq të mëdha cash-i në ekonomi janë produk i informalitetit të lartë të ekonomisë shqiptare, ndërkohë që mbartin me vete edhe riskun e pastrimit të parave./SCAN
Discussion about this post