Një spital është përfshirë nga flakët, në kryeqytetin hungarez , Budapest, ku si pasojë ka ndërruar jetë një person dhe dy të tjerë janë plagosur.
Zjarri ra orët e para të mëngjesit të së dielës, ndëkaq një zëdhënës i policisë hungareze, njofton se shkaqet e tragjedisë nuk janë të qarta për momentin.
Flakët kanë nisur nga njësia e dezinfektimit, në katin përdhesë të spitalit St. Imre në Budapest. Zjarri u përhap në një dhomë ngjitur ndërsa tymi përfshiu zonën përreth.
Stafi transferoi 56 pacientë në njësi të tjera. Pas shuarjes së zjarrit, zjarrfikësit kanë gjetur të vdekur një të re, tha përfaqësuesi i urgjencës, Mate Kisti.
Tre persona të tjerë u asfiksuan dhe u dërguan në një spital tjetër për trajtim, tha stafi.
Discussion about this post