Teksa luheshin ndeshjet e javës së 26-të të kampionatit shqiptarë, dy nga lojtarët e skuadrave kanë rënë pre e racizmit.
Bëhet fjalë për Vitor Feijao dhe Stenio Junior, i pari është ofenduar nga një pjesëtarë i stafit në hotelin ku ishte akomoduar skuadra e Kukësit për sfidën me Skënderbeun. Menjëherë pas këtyre ofendimeve ka reaguar në rrjetet sociale edhe lojtari verilindorë i cili ka denoncuar fort një situatë të tillë, teksa është shprehur se është e papranueshme të ofendohet dhe se është krenar për racën dhe ngjyrën e tij.
“Sot këtu në hotelin 1 Maj Pogradec në Shqipëri kalova një situatë racizmi nga një prej punonjëset e hoteli… e papranueshme… Deri kur kjo do të ndodhë pa ndëshkim, unë kurrë nuk do ta mbyll gojën dhe është e papranueshme që ne ta kalojmë këtë. Krenar për racën time, krenar për ngjyrën time”, shkruan Fejiao.
View this post on Instagram
Edhe Junior i Partizanit ka përjetuar një situatë të tillë në ndeshjen ku Partizani luante me Kastriotin në Kamëz, teksa kapiteni i krutanëve, Sokol Neziri e ka ofenduar duke e quajtur brazilianin “një majmun”.
Kaq ka mjaftuar që gjakrat mes protagonistëve të nxeheshin dhe me lojtarin e demave që kërkon edhe të lërë fushën e lojës, por është dashur edhe ndërhyrja e shokëve për të qetësuar që lojtari të vazhdonte takimin.
Junior ka reaguar ashpër edhe në rrjetet sociale, teksa është shprehur se mbi të gjitha duhet të jesh njerëzor dhe se nuk lejon askënd ta ofendojë, sepse askush nuk e di të kaluarën e tij, teksa minimumi është të kesh respekt.
“Ndoshta do të ketë disa, që ende mendojnë se është thjesht “viktimizëm” siç ka qenë gjithmonë, në të gjithë botën, ishte dje, ndoshta do të jetë një ditë tjetër, shpresoj kurrë më, por kurrë nuk do t’i kuptoj mendjet e këtyre. Derra, të quhesh të paktën derr, të jesh në mes të sportit që gëzon botën përballë kaq shumë trazirave, përpara se të mësosh të jesh Njeri i Vërtetë, mëso të jesh Njerëzor.
Dje më është dashur të kaloj një situatë shumë të trazuar, gjatë ndeshjes Kastrioti -Partizani, ku një lojtar i tillë më ka fyer duke më quajtur “Ti je një majmun budalla”, pa asnjë arsye, siç do ta shihni ne këtë video. U përpoqa te dal nga fusha dhe këtu ndoshta fillon niveli im maksimal i urrejtjes, për diçka qe po e përjetojmë çdo moment. Nuk kemi dënim që na bën të besojmë se një ditë kjo do të ketë fund.
Ne presim dhe meritojmë respekt, ky është FUTBOLL, por kurrë në jetë mos ji personazh i keq dhe frikacak.
Ai nuk e di historinë time të jetës, njerëzit që më njohin e dinë natyrën time dhe kush jam unë si profesionist, burrë dhe qenie njerëzore, ndaj vlerësoj vetëm RESPEKTIN.
Falenderoj shokët e skuadrës që më pritën në atë moment urrejtjeje totale dhe më dhanë shumë qetësi.
Ndaj djalosh, ki SHUM RESPEKT për vëllezërit që vrapojnë edhe përkrah teje, nuk ka kohë! Por e gjithë kjo do të marrë fund, kur të bëhet drejtësi”, ka shkruar Junior në postim.
View this post on Instagram
/gijotina.com
Discussion about this post