Aplikacioni Whatsapp, Facebook dhe Instagram nuk punojnë prej disa minutash, ndërsa ende është e paqartë arsyeja e këtij bllokimi.
Aplikacionet më të përdorura në të gjithë botën kanë dalë jashtë funksionit duke e bërë të pamundur komunikimin midis përdoruesve.
Instagram thotë se ka një gabim serveri ndërsa Facebook gjithashtu thotë se ka një gabim për përdoruesit që përpiqen të identifikohen.
Kujtojmë se kjo nuk është hera e parë që ka të tilla probleme me disa nga aplikacionet më të përdorura në botë.
Ndërprerja tjetër më e madhe e Whatsapp në botë ndodhi në muajin maj, kur për disa orë njerëzit e kishin të pamundur të komunikonin. Ky shërbim përdoret nga 1.2 miliardë përdorues në botë.
