Napoli ka gjetur ‘në kohë rekord’ trajnerin e ri. Klubi kampion i Italisë do të ulë në stol francezin Rudi Garcia. Ka qenë presidenti i klubit italian, De Laurentis që ka dhënë njoftimin, me një postim në rrjetet sociale.
“Kam kënaqësinë të ju njoftoj se, pasi e kam takuar gjatë 10 ditëve të fundit, zoti Rudi Garcia do të jetë trajneri i ri i Napolit” – Shkroi De Laurentis.
Rudi Garcia vjen pas një përvoje me Al Nassr. Më parë, “timonieri” ka drejtuar klube si Roma, Olimpik Lyon apo Lille. 59-vjeçari do të zëvendësojë Spalletin, i cili u largua nga pas fitimit të titullit kampion.
Napolin e pret një punë e madhe këtë verë. Synimi është mbajtja e elementëve që spikatën gjatë edicionit, ndërsa do tentohet afrimi i 2-3 futbollistëve cilësorë.
https://www.facebook.com/SSCNapoli/photos/a.1915942915105940/6805616629471853/?type=3&ref=embed_post
Discussion about this post