Mijëra refugjatë ukrainas vazhdojnë të ikin nga atdheu i tyre duke kërkuar siguri në vendet fqinje. Më shumë se 1.3 milionë ukrainas kanë kaluar kufijtë që nga fillimi i pushtimit rus më 24 shkurt, në atë që Kombet e Bashkuara tani e quajnë krizën më të shpejtë të refugjatëve në Evropë që nga fundi i Luftës së Dytë Botërore. Shifra pritet të arrijë në 1.5 milionë gjatë ditës së sotme.
“Kjo është kriza më e shpejtë e refugjatëve që kemi parë në Evropë që nga fundi i Luftës së Dytë Botërore,” tha kreu i UNHCR-së, Filippo Grandi.
Raporti vjen pas luftës që ka nisur në Ukrainë më 24 shkurt, kur presidenti rus Vladimir Putin shpalli “operacionin special” që nënkupton pushtimin e Ukrainës. Rusët kanë sulmuar me raketa dhe ushtri qytetet kryesore ndërsa rreth 1.3 milionë ukrainas kanë lënë shtëpitë e tyre, ndërsa çështja është depozituar edhe në gjykatën e Hagës, ku pritet të shqyrtohet më 7 dhe 8 mars.
Discussion about this post