Autoritetet shëndetësore në Kosovë, kanë publikuar të dhënat e përditësuara të ecurisë së COVID-19 atje.
Në njoftimin zyrtar thuhet se gjatë 24 orëve të fundit janë shpallur të infektuar 10 qytetarë, ndërsa fatmirësisht në këtë interval kohor nuk është shënuar asnjë viktimë nga virusi.
Lajmi i mirë është, që janë shpallur 134 qytetarë të shëruar, ndërsa numri i rasteve aktive, aktualisht në Kosovë është 1.074.
Njoftimi i plotë:
07 Qershor 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 667 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 80.803 doza të vaksinës.
Nga 2.277 testime, 10 qytetarë kanë rezultuar pozitiv me virusin COVID-19.
Gjatë 24 orëve të fundit, nuk është shënuar asnjë rast i vdekjes.
Sot janë shëruar 134 qytetarë, derisa numri i përgjithshëm i të shëruarve është 104.188.
Në total numri i rasteve aktive është 1.074.
