Policia ka dalë në konferencë për mediat në lidhje me megaoperacionin anti-drogë në mbarë vendin.
“Këtë 8 mujor janë sekuestruar 800 kg kanabis, një pjesë e saj e përpunuar në formë çokollate, 61 kg heroinë, 15 kg kokainë dhe 5.5 kg ekstazi. Gjatë 8 mujorit janë referuar Janë referuar 170 hetime për prodhim të shitjeve të narkotike, nga të cilët janë finalizuar 38 hetime.
Janë finalizuar 116 operacione. Për këto hetime janë arrestuar, ndaluar dhe proceduar në gjendje të lirë 1541 shtetas për shitje të lëndëve narkotike. Gjatë operacioneve janë sekuestruar mijëra doza kokainë heroinë, metadok, opium dhe sasi lënde të tjera narkotike.”, u shpreh Drejtori i Përgjithshëm i Policisë, Rrumbullaku.
Kreu i policisë së Shtetit ka deklaruar se në këtë megaoperacion është bërë i mundur shkatërrimi i 23 grupeve kriminale që vepronin në qytetet si Tiranë, Vlorë, Elbasan, Durrës dhe në Korçë.
“Janë ekzekutuar 218 masa sigurie, janë shpallur në kërkim 82 në kërkim janë arrestuar edhe 19 shtetas të tjerë gjatë këtij operacioni. janë pjesë e 23 grupeve kriminale, janë sekuestruar edhe heroinë, kanabis sativa, automjete të ndryshme, vlera të ndryshme monetare dhe aksesore të ndryshëm, të dhënat konkrete në lidhje me këtë do të jepen më vonë pasi vijon akoma puna në këtë drejtim.
Në bashkëpunim të ngushtë me 12 drejtorive të policisë është bërë i mundur mbyllje e kontrollit të këtyre. Nga ky megaoperacion është bërë i mundur shkatërrimi i 23 grupeve kriminale në Tiranë, Vlorë, Durrës, Elbasan dhe Korçë. Hetime të tilla tregojnë se kur ka vullnet rezultatet janë në favor të qytetarëve dhe në dëm të krimit, edhe në këtë megaoperacion vlen të theksohet shkalla e lartë e sigurisë dhe e rrezikshmërisë”
Discussion about this post