Vazhdon të rëndohet bilanci i dëmtimeve në Bulqizë nga tërmeti i disa ditëve më parë. Deri më tani raportohet se janë dëmtuar 171 banesa, 10 pallate, 2 njësi administrative dhe një shkollë. Mësohet se dëme të mëdha kanë pasur familjet në nevojë, ekonomia e të cilave nuk ka qenë e mjaftueshme për ta mirëmbajtur atë ndër vite dhe deri më tani nuk kanë marrë asnjë ndihmë nga shteti.
Banorët në Bulqizë tregojnë se nuk kanë shpresë nga qeveria pasi akoma nuk janë kompensuar që mbetën të pastrehë tërmetin e 26 nëntorit 2019. Sipas tyre, bashkia gjeti si justifikim dorëzimin vonë të dokumentacioneve si dhe ezaurimit të fondeve nga buxheti i bashkisë.
Sakaq, raportohet se dëme ka pasur edhe në banesat ne pallate. Ky është një nga 3 pallatet e shpallur si të pabanueshëm nga Bashkia. Dëmet e tyre janë të mbartura ndër vite, teksa tërmetet e fundit rrezikojnë edhe më tepër qëndrimin e familjeve, të cilat gjithsesi nuk kanë pranuar trajtimin me bonus qiraje, pasi kërkojnë t’u ndërtohet shtëpia.
Discussion about this post