Tërmeti i cili goditi mëngjesin e sotëm Dibrën ka shkaktuar dëme të shumta. Në konstatimet paraprake u raportua për 4 banesa të dëmtuara, por në përfundim bëhet me dije se janë 16 objekte të tilla. Këto janë zonat në të cilat janë regjistruar godinat e dëmtuara:
5 banesa në njësinë administrative Fushë-Bulqizë
3 banesa në njësinë administrative Ostren
3 banesa në njësinë administrative Gjoric
1 banesë në njësinë administrative Shupenzë
1 banesë në njësinë administrative Bulqizë
1 banesë në njësinë administrative Zerqan, teksa po punohet dhe për identifikimin e të tjerave.
Mëngjesin e kësaj të premte u ndjenë disa lëkundje, ku njëra prej tyre ishte dhe më e forta, e cila shkaktoi dhe dëme. Tërmeti ishte me një magnitudë 4.5 i shkallës rihter.
Menjëherë sapo u ndjenë lëkundjet, qytetarët dolën nga banesat me shpejtësi. Ata u shprehën se u frikësuan shumë madje duke përshkruar dhe momentin kur ndodhi tërmeti. Fatmirësisht nuk pati persona të lënduar, por siç raportohet dëmet materiale janë të shumta. Përfaqësues të njësive administrative dolën në terren për të bërë përllogaritjen e dëmeve, por tashmë kur dhe bilanci përfundoi, nuk dihet se si do të veprohet.
