2 viktima janë regjistruar sot nga COVID-19 në Kosovë. Një nga viktimat është një grua e moshës 70-vjeçare nga Gjilani. Ndërsa, viktima tjetër është një burrë mbi 80 vjeç nga Lipjan.
Gjatë 24 orëve të fundit janë regjistruar edhe 23 raste të reja me COVID-19, ndërsa 114 persona janë shëruar dhe kanë lënë ambientet e spitalit.
Komuna me më së shumti raste të reja gjatë kësaj kohe është ajo e Gjilanit dhe e Ferizajt me nga 3 raste, pastaj ajo e Prishtinës me 2.
Ndër të tjera bëhet me dije se janë vaksinuar Rreth 17 mijë qytetarë në 24 orët e fundit. Sipas informacioneve, deri tani në Kosovë janë administruar 1 milion e 375 mijë e 295 vaksina. 809 mijë e 496 persona janë vaksinuar me dozën e parë të vaksinës.
