Në kuadër të aksidenteve tragjike të shënuara së fundmi në vend policia rrugore ka kryer mbrëmjen e djeshme sërish kontrolle nëpër autostrada. Uniformat blu rrugore më konkretisht njoftojnë se kontrolle të imtësishme policore janë bërë në akse kryesore të rrugëve interubrane me fokus në Tiranë.
Theksohet se nga ora 19:00 deri në orën 23:00 janë vënë dhjetëra gjoba administrative si edhe janë pezulluar një numër i madh i lejeve të drejtimit.
Në aksin Tiranë-Durrës dhe Tiranë-Elbasan, ka pasur lëvizje me shpejtësi të mëdha nga drejtues mjetesh dhe për pasojë janë ndëshkuar me gjoba.
Për 10 drejtues mjetesh që qarkullonin me shpejtësi mbi normat e lejuara, shpejtësi që varionin nga 138 km/h deri 182 km/h, iu pezullua leja e drejtimit nga 2 deri në 6 muaj dhe masë administrative nga 7.000 deri në 25.000 lekë të rinj dhe 2 masa administrative me dyfishin e vlerës maksimale u vendosën për drejtuesit e tjerë të mjeteve./ A.L Gijotina.com /
