Nga Elisabeth Steinbrecher, BILD
Një jetë në korsinë e shpejtësisë!
Mbajtja e paligjshme e armëve, mospagimi i taksave, droga dhe prostitutat: Hunter Biden, 53 vjeç, është konsideruar delja e zezë e familjes së presidentit amerikan, Joe Biden, që nga fushata zgjedhore e vitit 2020 në SHBA.
Skandalet rreth të birit problematik nuk ndalen.
Këtë herë bëhet fjalë për tymosjen e krakut në timon, ndërsa i jep makinës në mënyrë të pabesueshme me 276 kilometra në orë.
Fotot e publikuara së fundmi tregojnë Hunter Biden duke tymosur llullën dhe duke e ngarë makinën në një zonë të banuar në Arlington më 11 qershor 2018.
Disa javë më vonë, më 1 gusht, Biden mori celularin në dorë teksa ngiste makinën. Kësaj radhe, ai fotografon shpejtësimatësin e tij në Porsche, që tregon 276 kilometra në orë në një autostradë në Las Vegas.
Ai sigurisht që ishte me nxitim. Qëllimi: të shkonte në një festë me prostituta.
Fotot duket se janë nga laptopi famëkeqe i Hunter Biden, të cilin ai e la në një dyqan riparimi dy vjet më parë. Tashmë Daily Mail ka publikuar fotot.
Mesazhet me tekst të ruajtura në kompjuter tregojnë se më 1 gusht 2018, Biden kishte rregulluar që të takonte disa prostituta dhe i kishte ftuar të zhyten në xhakuzi në hotelin e tij në Las Vegas.
“Unë nuk kam rroba banjoje, doja shumë të vishja rroba banje të lezetshme. Por nuk kam para për të blerë një kostum banjoje, kështu që mendoj se duhet të jem lakuriq, apo jo,” shkruan një femër e listuar si Cheryl në kontaktet e Hunter.
Discussion about this post