“Shqipëria, narkoshteti para derës sonë”. Është ky titulli i gazetës gjermane “BILD”, që ka raportuar lidhur me krimin në Shqipëri dhe lidhjet me politikën.
Shkrimi vjen si vazhdim i një raportimi që ka bërë gazeta BILD për trafikun e kokainës në Gjermani.
“Bild” shkruan se Gjermania është përmbytur me kokainë si kurrë më parë. “Gjithmonë në fokus është Shqipëria,” thekson gazeta. Më tej në raportim thuhet se, vendi është epiqendra e mafies evropiane të kokainës.
Ministrja e Brendshme e Gjermanisë, Nancy Faeser paralajmëron se bandat shqiptare po mbysin tregun e drogës në Gjermani.
“Krimi i organizuar shqiptar me lidhjet e tij në Amerikën e Jugut është veçanërisht në fokus të hetuesve,” tha ministrja.
Gazeta shkruan se vrasjet mafioze në Shqipëri janë një realitet periodik.
“Bild” konstaton se krimi në Shqipëri ka lidhje të forta me pushtetin.
“Problemi është se mafia e drogës ka lidhje deri në nivelet më të larta politike në Shqipëri,” shkruan gazeta.
Sipas BILD, vetë vëllai i kreut të qeverisë Olsi Rama është përfshirë në hetimet “për çështjen e trafikut të kokainës nga Hanoveri”.
Discussion about this post