Pandemia e koronavirusit dhe së fundmi edhe varianti Delt, kanë goditur rëndë industrinë e turizmit, e sidomos fushën e hotelerisë duke bërë të detyrueshme mbylljen e hoteleve. Turistët kanë anuluar udhëtimet e tyre dhe duket se nuk kanë në plan t’i riprogramojnë.
Mediat shkruajnë se në këtë periudhë aspak të mirë për hotelerinë, firma e investimeve të Bill Gates, Cascade Investment LLC, pagoi pak ditë më parë, 21.2 miliardë dollarë për rritjen e aksioneve në hotelet “Four Seasons”. Me këtë lëvizje, Gates synon rimëkëmbjen e turizmit dhe ekonomisë së hoteleve luksoze.
Në një marrëveshje të bërë javën e shkuar, princi saudit Al-Waleed bin Talal, vendosi t’i shiste gjysmën e aksioneve që zotëron në hotelet dhe resortet e “Four Seasons”, bashkë-pronarit, Bill Gates duke i dhënë këshu kontrollin e hoteleve luksoze me një vlerë prej 10 miliardë dollarësh.
“Mundësia erdhi dhe ‘Cascade’ nuk mund ta humbte. Është një afirmim pozitiv i strategjisë tonë për të ecur përpara.” tha shefi ekzekutiv i “Four Seasons”, John Davidson kur u pyet mbi këtë çështje.
Davidson shtoi se pasuria e Gates është e mjaftueshme për të përballuar vështirësitë të cilat po has hoteleria edhe sikur kjo situatë të vazhdojë për 2-3 vite me radhë.
