Autoritetet në Rinas kanë kapur mijëra euro të padeklaruara në çantën e një emigranti. Mësohet se shtetasi F.B, 28 vjeç, banues në Angli udhëtonte me rreth 21 mijë paund të padeklaruara. Mësohet se blutë kanë proceduar të riun.
“Shërbimet e Policisë Kufitare në Rinas, në vijim të kontrolleve për goditjen e paligjshmërisë, bazuar në analizën e riskut, në hyrje, kanë ushtruar kontroll të imtësishëm ndaj shtetasit F. B., 28 vjeç, rezident në Angli.
Gjatë kontrollit fizik, në çantën e tij iu gjetën 21 550 paund stërlina, të cilat nuk i kishte deklaruar në kufi.
Në përfundim të veprimeve të para, shtetasi F. B. u procedua penalisht për veprën penale “Mosdeklarimi i të hollave në kufi” dhe materialet proceduriale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.”-njofton policia.
Discussion about this post