Në bashkëbisedimin e sotëm kryeministri Edi Rama u pyet për ndërtimet pa leje. I pyetur për oligarkët, ai tha se nuk ka asnjë krijesë përveç Zotit që e kushtëzon. Sipas Ramës, ai vetë nuk është personi që jep tendera.
“Po të jetë kjo histori oligarkësh të mi s’do e merrje vesh fare ti që kishte aty 4 mijë metra pa leje. Pikërisht se nuk ka asnjë krijesë tjetër përvec Zotit që mund të më kushtëzojë apo të më vërë në kushte varësie me para apo metra katrorë, kjo është e mundur të bëhet.
Unë nuk merrem me tendera e nuk jap tendera, nëse flisni për kompensime mos i fusni të gjithë në thes. Bëjini pak llogaritë cfarë do të thotë të dorëzosh mbi katër mijë metra katrorë në qendër të Tiranës. 1.3 milionë dollarë është vetëm gjoba me cmimin e ligjit, lliogariteni me cmimin që ka tregu, 5 mijë euro metri katrorë herë mbi kaër mijë metra nëse do i kisha marrë ato para nuk do merrje vesh fare.
Se këtë e ngritëm ne, domethënë që s’na interesonte varianti tjetër se nuk më ka interesuar kurrë. Kjo është e vërteta e deri në provë të kundërt kjo është e vërteta.
Atyre që ju mësojnë të provojnë, akuza nuk është provë, prova është arsye për të akuzuar“, tha Rama.
Ndërsa një tjetër komentues duke iu referuar konfiskimit të 4646 metrave pa leje në qendër të Tiranës tha “mendo ca ke bërë në periferi”, Rama iu përgjigj”:
“Ata të tjerët kanë bërë rrumpallën më të madhe të kontinentit tonë e një nga rrumpallat më të mëdha të planetit, se cfarë kemi bërë ne me Tiranën e tregon Tirana. Se ca kanë bër ata e tregon historia e tyre. Bir nëna bir patjetër “bir nëna bir” se çfarë i është bërë këtij qyteti prej atyre që sot kanë akoma kurajon të hapin gojën e të flasin për ne realisht bir nëna bir”.
Discussion about this post