Presidentja Vjosa Osmani foli për udhëheqjen e fortë të SHBA-së, ndërsa tha se e ka përgëzuar Presidentin Donald Trump për fitoren në zgjedhjet presidenciale në Shtetet e Bashkuara të Amerikës.
Ndërsa qëndroi në Paris për ceremoninë e rihapjes së katedrales Notre Dame, ajo u takua edhe me
Emmanuel Macron. Me Trump, shihet se ka biseduar edhe në prani të Presidentit francez.
Osmani tha se ishte nder ta takonte Trumpin dhe ta uronte “në emër të popullit të Kosovës”.
“Rikonfirmova gjithashtu angazhimin tonë për të forcuar aleancën tonë. Ne mbështetemi në udhëheqjen e fortë të SHBA-së ndërsa punojmë së bashku për ta promovuar paqen, sigurinë dhe prosperitetin në rajonin tonë dhe më gjerë”, shkruan Osmani në një postim në platformën X.
Discussion about this post