Fatjon Softa, ekspert i sigurisë, u shpreh se pritet që të ketë të tjera goditje nga SPAK në nivelet e larta të policisë, në kuadrin e hetimeve pas çkodimit të aplikacionit “Sky”.
Nga studion e News24, Softa tha se SPAK zotëron mbi 80 mijë faqe pas zbërthimit të aplikacionit, duke shtuar se pret arrestime në nivelet e larta në rradhët e Policisë së Shtetit.
Duke u ndalur në operacionin e fundit të SPAK, Softa tha se përfshirja e emrit të Erzen Breçanit ishte surprizë për shumëkënd, i cili së fundmi ishte i angazhuar, sikundër e kemi parë, edhe me sigurinë e ish-Kryeministrit Sali Berisha.
Softa tha se falë bashkëpunimit të SPAK me agjensitë ligjzbatuese ndërkombëtare po goditen grupet kriminale shqiptare dhe po pastrohet Policia nga të inkriminuarit, por duhet vullnet i fortë, edhe politik, për ti shkuar deri në fund këtij procesi.
“Mendoj se Drejtori i Përgjithshëm i Policisë duhet të zgjidhet nga Parlamenti, njëlloj si Kryeprokurori, nuk ka pse të zgjidhet nga Kryeministri dhe ministri i Brendshëm”, tha Softa.
Discussion about this post