Një burrë u paraqit në gjykatë i akuzuar për grabitjen e rezidencës luksoze të futbollistit Raheem Sterling ndërsa ai përfaqësonte Anglinë në Kupën e Botës.
Emiliano Krosi, 23 vjeç, dyshohet se ka marrë pjesë në 33 vjedhje, duke përfshirë grabitjen e shtëpisë së sulmuesit të Chelseat prej 7 milionë funtesh në Oxshott, Surrey, ngjarje e ndodhur në dhjetor të vitit të kaluar.
Në bastisje u vodhën xhevahire dhe ora me vlerë 300 mijë paund.
Sterling, 28 vjeç, fluturoi në shtëpi vetëm disa orë përpara përplasjes vendimtare të Anglisë me Senegalin gjatë Kupës së Botës në Katar.
Sulmuesi u intervistua nga detektivët që hetonin vjedhjen përpara ndeshjes së Anglisë në çerekfinale kundër Francës, të cilën e humbën.
Shqiptari Krosi, nga Southend-on-Sea, Essex, kishte mbërritur vonë në gjykatë pasi furgoni i burgut që transportonte të pandehurin nga HMP Wandsworth u prish.
Krosi foli vetëm për të konfirmuar emrin e tij përmes një përkthyesi në gjuhën shqipe. Ai u përfaqësua nga avokati mbrojtës Graham Blower.
Çështja u shty dhe një gjyq dhjetë ditor para gjykatësit Rufus Taylor u caktua për në shkurt të vitit të ardhshëm.
Discussion about this post